پرنٹ میڈیا میں ایم سی ایم سی کمیٹی سے تصدیق شدہ سیاسی اشتہارات ہی شائع کیے جا سکتے ہیں

بھوپال، // مدھیہ پردیش میں چوتھے اور آخری مرحلے میں لوک سبھا کی باقی آٹھ سیٹوں کے لیے 13 مئی کو ووٹنگ ہوگی، اس سے ایک دن پہلے اور ووٹنگ کے دن شائع ہونے والے سیاسی اشتہارات کو ایم سی ایم سی کمیٹی سے پیشگی تصدیق کرانا ہوگا۔
سرکاری معلومات میں، چیف الیکٹورل آفیسر انوپم راجن نے کہا کہ ریاست میں چوتھے اور آخری مرحلے کی ووٹنگ کے ایک دن پہلے اور ووٹنگ کے دن شائع ہونے والے سیاسی اشتہارات کو ایم سی ایم سی کمیٹی سے پیشگی تصدیق کرانا ہوگا۔ پرنٹ میڈیا میں پہلے سے کمیٹی سے تصدیق شدہ اشتہارات ہی شائع کیے جا سکتے ہیں۔
مسٹرراجن نے کہا کہ الیکشن کمیشن آف انڈیا نے پرنٹ میڈیا میں ووٹنگ سے ایک دن پہلے اور اس دن شائع ہونے والے سیاسی اشتہارات کے لیے خصوصی انتظامات کیے ہیں۔ کمیشن کے قواعد کے مطابق، پرنٹ میڈیا میں اشاعت کے لیے اشتہارات کی قبل از سرٹیفیکیشن کے لیے، سیاسی جماعتوں/درخواست دہندگان کو پولنگ سے ایک دن پہلے اور ووٹنگ کے دن انتخابی مہم کے اشتہار کی اشاعت کی مجوزہ تاریخ سے دو دن پہلے ضلع/ریاستی سطح کی میڈیا سرٹیفیکیشن اینڈ مانیٹرنگ کمیٹی (ایم سی ایم سی) کو درخواست دے کرپری سرٹیفیکیشن کرانا ہوگا۔ ایسے تشہیری اشتہارات کمیٹی کی پیشگی تصدیق کے بعد ہی اخبارات میں شائع کیے جاسکتے ہیں۔
مسٹر راجن نے بتایا کہ چوتھے اورریاست میں آخری مرحلے میں 8 لوک سبھا پارلیمانی حلقوں دیواس (ایس سی)، اجین (ایس سی)، مندسور، رتلام (ایس ٹی)، دھار (ایس ٹی)، اندور، کھرگون (ایس ٹی) اور کھنڈوا میں 12 مئی اور ووٹنگ کی تاریخ 13 مئی کو شائع ہونے والے سیاسی اشتہارات کو ایم سی ایم سی کمیٹی کے سامنے سرٹیفائیڈ کرنا ہوگا۔